Vídeos públicos e leccións privadas co teu código persoal.
UN RECOÑECEMENTO ÁS ORIXES
Cardalda e Juan Hombre.
O Kenpo de Ribeira ten unha historia compartida. Recoñecemos o labor de Juan Hombre e de José Cardalda na súa transmisión e desenvolvemento na comarca. Un legado de ensino e práctica ao que O Norte dedica este pequeno recoñecemento.
OS PRIMEIROS PASOS
Juan Hombre
En 1974, Juan Hombre comezou a practicar artes marciais en Ribeira. Sen unha escola próxima, apoiouse en libros e vídeos; despois sumáronse os seus irmáns e un grupo de amigos. A formación en cursos noutras cidades contribuíu á creación do Sheng-Chi-Pai en 1978. En 1980 levou o seu ensino a varios colexios da zona.
TRANSMITIR E DAR CONTINUIDADE
José Cardalda
Entre aquel alumnado estaba José Cardalda, do Colexio Bayón, que chegaría a ser o primeiro cinto negro de Juan Hombre. O 7 de febreiro de 1988, Juan confioulle a continuidade do estilo. Cardalda mantivo o ensino e, xunto cun grupo de practicantes, formalizou o club o 28 de agosto de 1998. O nome evolucionou ata a denominación Club Kenpo Karate Ribeira, adoptada en 2019.
Un legado que merece memoria.
Na convocatoria do 50 aniversario, en 2024, o club volveu poñer en valor a figura de Juan Hombre como fundador e presidente de honra. En O Norte dedicamos este espazo a recoñecer ese labor de ensino e transmisión do Kenpo en Ribeira.
O Kenpo é o centro de O Norte.
Unha academia de Kenpo para aprender, adestrar e progresar.
Diario de Arousa recolle a inauguración de O Norte
Diario de Arousa recolle a apertura da academia na rúa Gasset, na Pobra, cunha asistencia de arredor de 200 persoas. A noticia, publicada o 12 de novembro de 2024, presenta o proxecto de Abel Rey e Germán Rodríguez e o seu vínculo coa escola de José Cardalda.
O NORTEKENPO · KARATE
